ye sabhi naseeb ke khel hain.........

ye sabhi naseeb ke khel hain
kisi hath mein to gulaab hon
koi hath khaali ho iss tarah
sabhi zakhm zakhm ho ungliyan
kisi sir pe hon kaee sayebaaN
kisi sir pe chatt bhi koi na ho
kaheen paooN jaltay hon dhoop mein
koi chaaoN mein he chalay sada
kaheen barishon ka wafoor ho
kaheen bound pani milay nahi

koi khaak pe ho parha howa
to kisi ke bakht mein takht ho

koi jeet-ta he rahe sada
kaheen haar he ho likhi hoi

koi door rah ke bhi paas ho
koi paas rah ke bhi door ho

kaee faasloon pe ruka howa
kaee dooriyon pe kharha howa

rahe raaston ko talshta koi umer bhar
kaheen khud pukaar lien manzilien
unhien jo chalay hon talash mien

koi hath yun he uthay rahien
kaheen bin dua ke milay koi

jissay meine manga tha barha
wo Nadeem mujh se bichar gaya
mera humsafar mujhe chor kar
kisi aur simt chala gaya
jissay sath chalna tha umer bhar
wo to chand qadm bhi na chal saka

meri ankh mein wo jo khwab thay
wo khwab mere ujhar gaye

mere hath mein jo gulaab thay
wo gulaab saray bikhar gaye
ye sabhi naseeb ke khel hain
kaheen gul khilein, kaheen khaar ho



ABDUL NASIR NAYYAB KTK

03139003346
NAYYAB_KTK23@YAHOO.COM