Muhabbat Diary Hargiz Nahi........

Mohobbat diary hargiz nahin hai
Jis main tum likho k kal kis rung k kapray pehannay kaun c khushbu lagani hai
Kis se kya baat kehni kaun c kis se chupani hai
Kahan kis pairh k saaye tallay milna hai mil kr poochna hai
Kya Tumhain mujh say mohobbat hai?
Yeh farsoodah sa jumla hai
magar phir bhi yehi jumla
Dareechon, aanganon, sarkon, galli koochon main, chobaaron main,
chobaron ki tooti seerhion main
Har jaggah koi kisi say keh rahay hai
Kya tumhain mujh say mohobbat hai?
Mohobbt diary hargiz nahi hai
Jis main tum likho tumhain kis waqt kis se kis jagah milna hai,
kis ko chor jana hai Kahan pr kis tarah ki guftugu krni hai
ya khamosh rehna hai Kisi k sath kitni door tak jana hai
aur kab laut ana hai
Kahan aankhain milana hai
kahan palkain jhukana hai
Ya yeh likho k ab ki baar jab wo milnay aaye ga
Tau us ka haath apnay haath main le kr
Dhanak chehray peh roshan jagmagati raks krti uski aankhon main uttar jayen gay
Aur phir gulshan-o-sehra k beechon-beech dil ki saltannat main khaak urayen gay
Bohot mumkin hai wo ujlat main aaye aur tum us ka haath hathon main na le pao
Na ankhon hi main jhaanko aur na dil ki saltannat ko fattah kr pao
Jahan pr guftuhgu krni hai tum khamosh hojao
Jahan khamosh rehna hai wahan tum boltay jao. . .
Naye kapray pehan kr ghar say niklo, maelay hojao
Koi khushbu laganay ka irada ho tau sheeshi haath say gir jaye,
tum veeran hojao Safar krnay say pehlay bay-sarro-samaan hojao
Mohobbat diary hargiz nahi hai,
Aabju hai!
Jo dillon k darmayaan behti hai,
khushbu hai Kabhi palkon peh lehraye tau aankhian hasnay lagti hain
jo aankhon main utar aaye tau manzar aur passmanzar main shama jalnay lagti hai
Kisi bhi rung ko choo le wohi dil ko gawara hai Kisi matti main ghul jaye wohi matti sitara hai



ABDUL NASIR NAYYAB KTK

03139003346
NAYYAB_KTK23@YAHOO.COM