NoToRi0uS HouSe

Dil ki chokhat pe eik deep jala rakha hai
Tere laut aane ka imkaan saja rakha hai

Saans tak bhi nahi lete hai tujhe sochte waqt
Humne is kaam ko bhi kal pe utha rakha hai

Rooth jaate ho to kuch aur haseen lagte ho
Humne yeh soch ke hi tum ko khafa rakha hai

Tum jise rota hua chhorr gaye they ek din
Humne us shaam ko seeney se laga rakha hai

Chain lene nahi deta yeh kisi taur mujhe
Teri yaado ne jo tofaan utha rakha hai

Jaane wale ne kaha tha ke woh laut aaye ga zaroor
Ek isi aas pe darwaaza khula rakha hai

Tere jaane se jo ek dhool uthi thi ghum ki
Humne us dhool ko aankho me basa rakha hai.....!