All Blog Entries

saaNs lete huye bhii Darataa hoN
ye na samajhein ke aah kartaa hoN

bahar-e-hastii mein hoN misaal-e-hubaab
miT hii jaataa hoN jab ubharataa hoN

itanii aazaadii bhii Ganimat hai
saaNs letaa hoN baat kartaa hoN

aap kyaa puuchhate hain meraa mizaaj
shukr Allaah kaa hai martaa hoN

ye baraa aib mujh mein hai ’akbar’
dil mein jo aaye kah guzarataa hoN

duniyaa mein hoN duniyaa kaa talab_gaar nahii hoN
baazaar se guzaraa hoN Khariidaar nahii.n huu.N

zindaa hoN magar zeest kii lazzat nahii baaqii
har chand ki hoN hosh mein hoshiyaar nahii hoN

is Khaanaa-e-hastii se guzar jaaoNgaa belaus
saayaa hoN faqat naqsh-e-diivaar nahii hoN

afasurdaa hoN ibarat se davaa kii nahii haajat
Ghum kaa mujhe ye zauf hai biimaar nahii hoN

vo gul hoN KhizaaN ne jise bar_baad ...

dil meraa jis se bahalataa koii aisaa na milaa
but ke bande to mile Allaah kaa bandaa na milaa

bazm-e-yaaraaN se phirii baad-e-bahaarii maayuus
ek sar bhii use aamaadaa-e-saudaa na milaa

gul ke KhvaahaaN to nazar aaye boht itr_farosh
taalib-e-zam_zam-e-bul_bul-e-shaidaa na milaa

vaah kyaa raah dikhaaii hamein murshad ne
kar diyaa kaabey ko gum aur kalisaa na milaa

aaNkhein mujhe talvon se vo malane nahiin dete
armaan mere dil kaa nikalane nahiin dete

Khaatir se terii yaad ko Talane nahiin dete
sach hai ke hameiin dil ko sanbhalane nahiin dete

kis naaz se kahate hain vo jhunjhalaa ke shab-e-vasl
tum to hamein karavaT bhii badalane nahiin dete

paravaano ne faanuus ko dekhaa to ye bole
kyon ham ko jalaate ho ki jalane nahiin dete

hairaan hoN kis tarah karoN arz-e-tamannaa ...

dard-e-dil paas-e-vafaa jazbaa-e-imaaN honaa
aadamiyat yahii hai aur yahii insaaN honaa


nau-giraftaar-e-balaa tarz-e-fuGaaN kyaa jaanen
ko_ii naashaad sikhaa de inhein naalaaN honaa

rah ke duniyaa mein yoN tark-e-havas kii koshish
jis tarah apane hii saaye se gurezaaN honaa

zindagii kyaa hai anaasir mein zahor-e-tarteeb
maut kya hai inhi ijzaa kaa pareshaaN honaa

dil asiirii mein bhii aazaad hai aazaadon ...