Latest Episodes of Dramas - Latest Politics Shows - Latest Politics Discussions

View RSS Feed

Sai-e-Lahasil

تم یہ کہتے ہو اب کوئی چارہ نہیں! فیض احمد فیض

Rate this Entry
by , 12-31-2012 at 08:58 AM (931 Views)
      
   
تم یہ کہتے ہو اب کوئی چارہ نہیں


تم یہ کہتے ہو وہ جنگ ہو بھی چکی
جس میں رکھا نہیں ہے کسی نے قدم
کوئی اترا نہ میداں میں، دشمن نہ ہم
کوئی صف بن نہ پائی، نہ کوئی علم
منتشرِ دوستوں کو صدا دے سکا
اجنبی دُشمنوں کا پتا دے سکا
تم یہ کہتے ہو وہ جنگ ہو بھی چُکی
جس میں رکھا نہیں ہم نے اب تک قدم


تم یہ کہتے ہو اب کوئی چارہ نہیں
جسم خستہ ہے، ہاتھوں میں یارا نہیں
اپنے بس کا نہیں بارِ سنگ ستم
بارِ سنگِ ستم، بار کہسار غم
جس کو چُھوکر سبھی اک طرف ہوگئے
بات کی بات میں ذی شرف ہوگئے
دوستو، کوئے جاناں کی نا مہرباں
خاک پر اپنے روشن لہو کی بہار
اب نہ آئے گی کیا؟ اب کِھلے گا نہ کیا
اس کفِ نازنیں پر کوئی لالہ زار؟
اس حزیں خامشی میں نہ لَوٹے گا کیا
شورِ آوازِ حق، نعرئہ گیر و دار

شوق کا امتحاں جو ہُوا سو ہُوا
جسم و جاں کا زیاں جو ہُوا سو ہُوا
سُود سے پیشتر ہے زیاں اور بھی
دوستو ماتمِ جسم وجاں اور بھی
اور بھی تلخ تر امتحاں اور بھی

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فیض احمد فیض
Categories
~**Sha!r!**~

Comments

  1. Exquisite's Avatar
    nice sharing.........
  2. shimmz's Avatar
    awsome........................................