Ha.Ns ke faramaate hai.n vo dekh kar haalat merii

[Barbie Doll Jiya]

Ha.Ns ke faramaate hai.n vo dekh kar haalat merii
Ha.ns ke faramaate hai.n vo dekh kar haalat merii
kyo.n tum aasaa.n samajhate the muhabbat merii

baad marane ke bhii chho.dii na rafaaqat merii
merii turbat se lagii baithii hai hasarat merii

mai.n ne aagosh-e-tasavvur me.n bhii khe.nchaa to kahaa
pis ga_ii pis ga_ii bedard nazaakat merii

aa_iinaa subah-e-shab-e-vasl jo dekhaa to kahaa
dekh zaalim ye thii shaam ko suurat merii

yaar pahaluu me.n hai tanhaa_ii hai kah do nikale
aaj kyo.n dil me.n chhupii baithii hai hasarat merii

husn aur ishq ham_aagosh nazar aa jaate
terii tasviir me.n khi.nch jaatii jo hairat merii

kis dhitaa_ii se vo dil chhiin ke kahate hai.n 'ameer'
vo meraa ghar hai rahe jis me.n muhabbat merii

[Bheegi-Palkain]

Assalam-o-Alikum WR WB

Nice

FeamnAllah