paa-ba-gil sab hai.n rihaa_ii kii kare tadabiir kaun

[FAHAD SIDDIQUI]

Poet: Parveen Shakir

paa-ba-gil sab hai.n rihaa_ii kii kare tadabiir kaun
dast-bastaa shahar me.n khole merii zanjiir kaun

[rihaa_ii = freedom; tadabiir = solution/way]
[dast-bastaa = tied hands]

meraa sar haazir hai lekin meraa munsif dekh le
kar rahaa hai mere fard-e-jurm kii tahariir kaun

[munsif = judge; fard-e-jurm = tale of guilt]
[tahariir = writing]

aaj darvaazo.n pe dastak jaanii pahachaanii sii hai
aaj mere naam laataa hai merii taaziir kaun

[taaziir = punishment]

niind jab Khvaabo.n se pyaarii ho to aise ahad me.n
Khvaab dekhe kaun aur Khvaabo.n ko de taabiir kaun

[ahad = era/times]

ret abhii pichhale makaano.n kii na vaapas aa_ii thii
phir lab-e-saahil gharaundaa kar gayaa taamiir kaun

[lab-e-saahil = on the shoreline; taamiir = construct]

saare rishte hijrato.n me.n saath dete hai.n to phir
shahar se jaate hue hotaa hai daaman_giir kaun

merii chaadar to chhinii thii shaam kii tanhaa_ii ne
beridaa_ii ko merii phir de gayaa tashahiir kaun

dushmano.n ke saath mere dost bhii aazaad hai.n
dekhanaa hai khe.nchataa hai mujh pe pahalaa tiir kaun

[tinnywinny]

Nixe................

But 2 Long


Keep It Up Sir

[Ehad-e-Wafa]

very nice janab.

[Barbie Doll Jiya]

bahut khoob....................................

[Sai-e-Lahasil]

Moving To Perveen Shakir Section

Keep SharinG

[Bheegi-Palkain]

Assalam-o-Alikum WR WB

Bhot umda

FeamnAllah

[faaiq]

wah,,,,,,,,,,,,,,,,,,,,,,,,,,