Competition Shair o Shairi July08

[neelam]

Assalamu Alakium


Is Month k comeptition main
Ap Sab Ko Humaray Aik Masho'r Shayar "Mohsin Naqvi " Ki Poetry Share Kerni Hai !!

Rules:
1. Aik Member Maximum 2 Sharing ker Sakta Hai
2. Koi b Ghazal Ya Nazam Share Ker Saktay Hain...Likin Keep In Mind No QiTTA Or ShAIR!!!
3. Sharing Kerne Se Pehle, Apne Se Pehle Walay Member Ki SharinG Perhain Ta'k Aik Poetry Dobara Share Na Ho..Wo Competition Main Shamil Nahi Ho Gi Is Surat Main !!
4. Competiton ki Last Date 27th July o8 Hai

[Barbie Doll Jiya]

Ghazal [1]
zikr-e-shab-e-firaaq se vahashat use bhii thii

zikr-e-shab-e-firaaq se vahashat usey bhii thii
merii tarah kisii se muhabbat use bhii thii

[zikr-e-shab-e-firaaq = mention of the night of separation]
[vahashat = fear/dread]

mujh ko bhii shauq thaa naye cheharo.n kii diid kaa
rastaa badal ke chalne kii aadat usey bhii thii

uss raat deir tak vo rahaa mahv-e-guftaguu
masruuf mai.n bhii kam thaa faraaGat use bhii thii

[mahv-e-guftaguu = immersed in conversation]
[masruuf = busy; faraaGat = leisure/freedom from business]

sunataa thaa vo bhii sab se puraanii kahaaniyaa.N
taazaa rafaaqato.n kii zaruurat use bhii thii

[rafaaqat = friendship]

mujh se bichha.D ke shahar me.n ghul mil gayaa vo shaKhs
haalaa.Nke shahar bhar se raqabat use bhii thii

[haalaa.N ke = although; raqabat = enmity]

vo mujh se ba.Dh ke zabt kaa aadii thaa jii gayaa
varnaa har ek saa.Ns qayaamat use bhii thii

[zabt = tolerance/restraint; aadii = habituated]

Ghazal[2]

bichha.D ke mujh se kabhii tuu ne ye bhii sochaa hai

bichha.D ke mujh se kabhii tuu ne ye bhii sochaa hai
adhuuraa chaa.Nd bhii kitanaa udaas lagataa hai

ye vasl kaa lamhaa hai isey raayegaa.N na samajh
ke is ke baad vahii duuriyo.n kaa saharaa hai

[vasl = union; lamhaa = moment; raayegaa.N = useless/futile]
[saharaa = desert]

kuchh aur deir na jha.Dataa udaasiyo.n kaa shajar
kise Khabar tere saaye me.n kaun baiThaa hai

[shajar = tree]
ye rakh-rakhaao muhabbat sikhaa ga_ii us ko
vo ruuTh kar bhii mujhe muskuraa ke milataa hai
[rakh-rakhaao = formality/to maintain a facade]

mai.n kis tarah tujhe dekhuu.N nazar jhijhakatii hai
teraa badan hai ke ye aa_iino.n kaa dariyaa hai

[jhijhakanaa = to hesitate/show reluctance]

[Ek_Khwaab]

bahut khoobsurat

[Pukhtana_4_Lyfe]

First One

Second One

[Bheegi-Palkain]

Assalam-oA-likuM WRW B

Wah bhot khoob

meri trafs y

FeamnAllah

1st



2nd

[~larki Anjani~]

"Mohsin Naqvi "
#1
Mere Naam Se Pehle...

abh ke us ki ankhon mien
besabab udaasi thi
abh ke us ke chehray per
dukh tha...behawasi thi

abh ke yun mila mujh se
yun ghazal suni...jese
mein bhi na_shanasa hoon
wo bhi ajnabi jesse

zard khaal o khad uss ke
sogawar daman tha
abh ke uss ke lahjay mein
kitna khudra pan tha

wo ke umer bhar jis ne
shahr bhar ke loogon mien
mujh ko hum sukhan jana
khud se mehrban samjha
mujh ko "Dilruba" likha

abh ke sada kaghaz per
surkh roshnai se
us ne talkh lahjay mein
mere naam se pehle!
sirf "Bewafa" likha.

#2
Chaahat ka rang tha na wafa ki lakeer thi
Qaatil k haath mein to hina ki lakeer thi

Khush hoon k waqt-e-qatl mera rang surkh tha
Mere laboN pe harf-e-dua ki lakeer thi

Main kaarvaaN ki raah samajhta raha jise
Sehra ki reit par wo hawa ki lakeer thi

Sooraj ko jisne shab k andheron mein gum kia
Mauj-e-shafaq na thi wo qaza ki lakeer thi

Guzra hai shab ko dasht se shaayad wo parda-daar
Har naqsh-e-pa k saath rida ki lakeer thi

Kal uska khat mila k saheefa wafa ka tha
Mohsin har ek satr haya ki lakeer thi

[Asmi_]

Entry No 1

Main Dil pe Jabr karoon ga.Tujhey Bhoola doonga

Main Dil pe Jabr karoon ga.Tujhey Bhoola doonga
Maroonga Khud bhi Tujhey bhi Karhi Saza Doonga

Ye Teergi mere Ghar ka hi kiyun Muqaddar ho?
Main tere Shehr kay Sare Diyeh Bujha Doonga

Hawa ka hath bataonga har tabahi mian !
Harey Shajr se Parindey mian khud Urha Doonga !

WAFA KARONGA KISI SOOGWAR CHEHRE SE !
PURANI QABR PE KUTBA NAYA SAJA DOONGA

Isi Khiyal mian guzrii hiay Sham-e-Dard aksar
ke dard Had se barhey ga to Muskora doonga

Tu Asmaan ki Surat haiy,Gir parhey ga kabhi
Zameen hoon mian bhi magar tujh ko AAsra doonga

Barha Rahi hiay mere dukh Nishaniyan teri
mian tere Khat,Teri Tasveer tak jala doonga

Buhat Dinoon se mera dil udas hiay MOHSIN
is Aiene ko koi Aks abb naya doonga...!!!

Entry No 2

raet par likh ke meraa naam mitaayaa na karo

raet par likh ke meraa naam mitaayaa na karo
aaNkhen sach bolatii hain pyaar chupaayaa na karo

log har baat kaa afsaana banaa lete hai.n
sab ko haalaat kii rudaad sunaayaa na karo

ye zaruurii nahin har shaKhs masiihaa hii ho
pyaar ke zaKhm amaanat hain dikhaayaa na karo

shahar-e-ehasaas me.n pattharaav bahut hain 'Mohsin'
dil ko shiishe ke jharonkhon mein sajaayaa na karo

[Gul]

[FAHAD SIDDIQUI]

Salam To All....

These are one of my very Favt. Ghazals, Hope U Like it.

[baby_princess33]

my sharings...

1.

2.

[NoToRi0uS]

Merey bass main ho to kabhi kahin

Koi sheher aisa basaoon main

Jahan fakhtaon ki phurpharahat sey naghma-e-raaz-e-hayat main

Jhunjhunati saanson ki jhanjharain jo chanak uthain

To dhanak k rangon main bheeg jain havaas tak

Jahaan chaand maand na ho kabhi, jahan chaandni ki rida buney

Mairi baanjh dharti k baasiyon ka libaas tak

Jahan sirf hukm-e-yakeen chaley! jahan be-nishaan ho qayaas tak

Jahan aadmiyat k nutq-o-lab pai na sheher-e-yaar ka khof ho

Jahan sarsaray na aadmi ki ragon main koi hiraas tak

Jahan vehem ho na dilon main vehem ka sehem ho

Jahan sach ko sach sey ho wasta

Jahan jugnuon ko hava dikhati ho raasta

Jahan khushbuon sey badalti rut ko hassad na ho

Jahan pastiyon sey bulandiyon ko bhi qud na ho

Jahan khuaab aankhon main jagmagain to....

Jism-o-jaan k sabhi dareechon main tergi ka guzar na ho

Koi raat aisi basar na ho keh, bashar ko apni khabar na ho

Jahan daagh daagh seher na ho

Jahan kashtiyan hon rawan dawan_to samandaron main bhanwar na ho

Jahan barg-o-baar sey ajnabi_koi shaakh, koi shajar na ho

Jahan chehchahatey huey parindon ko_barishon k azzab ka koi darr na ho

Merey bass main ho to kabhi kahin_koi sheher aisa basaoon main

Jahan barf barf mohabbaton pai_gham-e-jaan ka asar na ho

Rah-o-rasm-e-dunia ki bandishain_gham-e-zaat k sabhi zaaiqey

Sum-e-qaainat ki talkhiyan_kisi aankh ko bhi na choo sakain

Jahan mairi saans ki tazgi,tairi chahaton k kanwal main ho

Taira husn mairi ghazal main ho,jahan qaainat ki ik sadaf

Shab-o-roz k kisi pall main ho

Jahan noha-e-gham-e-zindagi,mairi hichkiyon sey ayyan na ho

Jahan loh-e-khaak pai ummr bha,kisi be gunnah k khoon ka

Koi daagh, koi nishaan na ho

Koi sheher aisa kabhi,,,,...kahin! jahan dhoop chaon galey milain

Jahan baanjh rut main bhi gull khilain

Jahan chahaton k hujoom main_kabhi geet ammn k gaoon main

Jahan zindagi ka rijz parhoon_jahan be khallal gungunaoon main!

Jahan moj moj ki aut main_tu kiran baney, muskuraoon main

Mairey bas main ho to kabhi kahin

Koi sheher aisa bassaoon main

Mohsin Naqvi

[NoToRi0uS]