Originally Posted by
Lost Passenger 
Assalam-o-Alaikum
Tumharey sawaloo'n key jawab hazir hai'n Savi
1.Main ne aksar writers ko parha hai aur main hairan hoti hoon ke mard hote huye woh kitni asani se aik aurat ke jazbon ko aur uss ki nafsiyat ko samjhte hain aurr uss ki intehyaee deep feelings ko express karte hain mera sawal yeh hai aap se ke Aik writer hone ki hasiyat se aap ne Aik aurat ke mukhtalif kirdaron aur mukhtali shades aur rawyon par likha hoga..aap aurat ki nafsiyat ko kitna samjh paye hain? kiya iss huwale se likhna waqyee mushkil hota hai? kiyon ke aksar kaha jata hai ke aurat ke dil aur samandar ki gehrayee main koi faraq naheen hota!!
Ans: Mard aur Aurat donoo'n ko Allah ney banaya, mard ko mazboot qawa ata kiye tu aurat ko nazuk banaya aur un ki hadood ka taiyun kia aur donoo'n sinf mai'n ek dosrey key liye kashish bhi rakhi,Islam ney aurtoo'n ko jo haqooq diye agar us ki nafi ho rahi ho tu ye samajhna qatai mushkil nahi'n keh auratoo'n key sath kaha'n ziadh'ti ho rahi hey,ek aurat sub sey ziyadha tahafuz chahti hey apna khayal rakhey janey ki khwahish ko bhi hum isi zumrey mai'n shumar ker saktey hai'n aur ek mard sinf e mukhalif honey ki hasiyet se shayed in batoo'n ko ziyadha behter tour per mehsos ker sakta hey, is mai'n shak nahi'n keh ek aurat ka dil samander ki gehrai rakhta hey laikin is mai'n bhi shak nahi'n keh mard aurat ko bakhobi bewaqoof bana laita hey aur aisa woh isi tor per kerney mai'n kamyab hota hey kyoo'n keh mard aurtoo'n ki nafsiyaat ko ek aurat key muqabley mai'n ziyadha behter samajhta hey bilkul aisey hi jaisey ek aurat ek mard ki nafsiyaat ko ek mard key muqabley mai'n ziyadha behter samajhti hey aur kam as kam mairey liye aurtoo'n key masail per likhna bilkul bhi mushkil nahi'n aur us ki wajha ye hi hey keh mujhey is baat ka idraak buhat achi terha sey hey keh Islam ney aurat ko kia muqam aur mertaba ata kia hey aur hum ney uska kia hashr.
Yaha’n mai’n mard aur aurat ki chahat key hawaley se apna ek paragraph share ker raha hoo’n
“Be shak Mard aur Aurat ki chahat mai'n farq hota hey Mard ki muhabbet mai'n khayal karna aur ye aehsas ziyadha karfarma hota hey k jise wo chahta hey usey her dukh aur takhlief se mefoz rakhey aur buhat caring hota hey jab keh is k muqabley mai'n aurat ki muhabbet mai'n qurbani aur khidmet ka jazba ziyadha karferma hota hey wo bina jataye khud her qisim ki takhlief utha laiti hey aur sub se ziyadha qabil-e-tareef baat ye hey k jo khud us pe guzarti hey us ka dosrey ko aehsas bhi nahi honey daiti isi liye kehtey hai’n keh aurat ka dil samander ki terha gehra hota hey.”
2. Har insaan apne halat , waqt aur age ke hisaab se Mohabbat ki mukhtalif definitions deta hai....aaj aap ne umr ke jitne bhi paraoo paar kiyeh hain aap Mohabbat ko kiya definition diengay? ( main ussi mohabbat ke huwale se sawal kar rahi hoon jo inssan ko khudasnayee ka mukamal aur sacha zawiya dikhati hai, woh muhabbat jo pehli baar uss ke dil ke sare taron ko aik rhythm bakhsh jati hai)
Ans:Mai’n tumharey sawal ko sahi sey samajh nahi’n pa raha laikin jitna samjha hoo’n us ki roshni mai’n sirf itna hi keh sakta hoo’n,
Muhabbet aisa jazba hey jis se koi bhi mubr'rah nahi aur ye wo music hey jo her kisi ko bhati hey aur kisi ki bhi samaat pe gira'n nahi guzarti farq sirf itna hey k baaz log her qisim ki music ko pasand kertey hai'n aur baaz ko koi koi dhun pasand aati hey jis terha music ki kai qismai'n hoti hai'n usi terha Muhabbet k bhi beshumar rang hotey hai'n baz ko her rang bhata hey aur kuch ko koi koi.
Mai'n shadi se pehli wali muhabbet ko manta hi nahi mai'n usey sirf pasand kehta hoo'n isi liye wo ziyadha ter nakam nazer aati hai'n aur mai’n ye samajhta hoo’n keh asl muhabbet tu hoti hi shadi key baad hey kyyo’n keh jis rishtey ki bunyad Allah k kalam se ho(khutba-e-nikha) us mai'n behtri kyoo'n ker nahi hogi.
3. Aisa konsa topic hai jiss par aap ko shiddat se dil chahata hai ke aap likhien aur phir bhi aap tishna reh jate hain?
Ans:Mairi bari shadeed khuwahish hey keh apney itraf mai’n philey masail sey logoo’n ko ashna kroo’n is key ilawa logoo’n kko ye bawer kerwa sakoo’n keh hamara asal kia hey aur hum kia hai’n.
4. Aisa koi topic jis par aap ne abhi tak apne qalam ko junbish naheen di aur aksar likhne ko munn karta hai?
Ans:Mai’n seerat per likhney ki buhat khwahish hey laikin abhi tek sahi sey likh nahi’n paya hoo’n.
5. Insaan ka aisa kiya amal hosakta hai jo usse Khuda ke aur nazdeek le aye? as a writer agar yeh aap ko topic diya jaye tou muktasaran aap kaise iss par roshni daliengay?
Ans:Ager mai’n mukhtasaren jawab doo’n tu who hoga Allah key bandoo’n sey muhabbet, aur is per mai’n is terha baya’n kroo’n ga,
Mujhey is hawaley se yaha'n Abu bin Adham ka qis'sa yad aagaya " Ek din wo so rahey they k roshni se un ki aankh khul gai,unhoo'n ne daikha ek farishta baitha kuch likh raha hey aur noor ne us k gird hala kia huwa hey jis ki raoshni se un ki aankh khuli unhoo'n ne pocha kia likh rahey ho tu farishtey ne jawab dia ye un logoo'n ki fehrist hey jo Allah se Muhabbet kertey hai'n Abu bin Adham ney us sey pocha kia is mai'n maira naam hey farishtey ney ek nazer fehrist pe dali aur jawab dia nahi aap ka naam is mai'n nahi,Abu bin Adham ko buhat afsos huwa mager kuch kaha nahi,Agli raat phir usi roshni se un ki aankh khuli tu daikha wo hi farishta phir baitha kuch likh raha hey, unhoo'n ne pocha aaj kis ki fehrist bana rahey ho tu farishtey ney jawab dia ye un k naam hai'n jin se Allah Muhabbet kerta hey kyoo'n k ye Allah k bandoo'n se Muhabbet kertey hai'n aur is mai'n aap ka naam hey,Muhabbet ko ager kooi sahi mainoo'n mai'n daikhna chahta hey tu rsool pak (saww) mai'n daikhai'n k ek aadmi ko chori k ilzam mai'n hath katney ki saza di gai tu aap (saww) ki aankhoo'n mai'n aanso aagaye sahaba ney arz ki Ya Rasool Allah kyoo'n ro rahey hai'n tu fermaya mairey um'mati ka hath kat dia gaya kis qader taklieaf mehsoos ki hogi aap (saww) ney aaj unhi k um'matyoo'n ki gerdanai'n kati ja rahi hai'n aankh mai'n aansu tu dor ki baat kisi k mathey pe shikan tek nahi aur hum Muhabbet k dawey dar hai'n.”
6.Aap ko apni aik khoobi jo sab se ziyada pasand hai aur aisi koi khami jo chahte hon ke aap ki shaksiyat main woh na baqi rahe?
Ans:Mairi shakhsiyet mai’n aisi koi khobi nahi’n jisey mai’n fakhriya baya’n kersakoo’n aur khami koi ek ho tu batoo’n.
7. Kisi bhi insaan se pehli mulaqaat ke waqt aap sab se pehle uss ki shakhsiyat kehuwale se kiya observe karna pasand karte hain? facial expressions, body language, the amount of eye contact or the way he or she talks?
Ans:Mairi nature of job aisi hey keh mai’n in mai’n sey kisi bhi cheez ko nazer andaz nahi’n ker sakta dosrey ye keh mai’n pehli mulaqaat mai’n kabhi bhi raye qaim nahi’n kerta,waisey Aankhai’n kabhi jhoot nahi’n bolti’n.
8. Aap ka koi favrt quote jis aap ne hamesha as a lesson follow kiya?
Ans: "Muhabat aisa jazba hey k isey jitna banto utna berhta hey"
- Syed Sohail
"Truly in the heart there is a void that cannot be removed except with the company of Allah. And in it there is a sadness that cannot be removed except with the happiness of knowing Allah and being true to Him.
And in it there is an emptiness that cannot be filled except
with love for Him and by turning to Him and always remembering Him
And if a person were given all of the world and what is in it,
it would not fill this emptiness."
- Ibn al-Qayyim al-Jawziyya
9. Social structure main har insaan ka aik mukhtalif role hota hai aik writer kiye role play karta hai? aur aik model writer ko kaisa hona chahiyeh?
Ans:Ek writer muashrey ki khamyoo’n aur muashrati na insafiyoo’n ki na sirf nishan dahi kerta hey bel keh logoo’n ko un sey nabrd azma hone ka hosla bhi daita hey, who logoo’n ko khud un sey milaney ka zerya banta hey, aur ek model writer ko bhi aisa hi hona chahiye keh won a sirf logoo’n ko khud un sey milaye belkeh unhai’n Allah sey milaney ka zerya bhi baney logoo’n ko bataye keh who masail mai’n kyoo’n uljey huwey hai’n aur un ki nijat us rastey per chalney mai’n hey jo hamarey islaaf hamarey liye mutaiyen ker gaye hai’n.
Ye lo tumharey sarey sawaloo'n key jawab ho gaye
ARY Digital
HUM TV
GEO Entertainment
TV One
PTV
Express Ent.
APlus
LinkBack URL
About LinkBacks
..
Lost Passenger
Senior Member
Edit>
thanks alot for bieng kind with me!!! urs sis savi abbas
