Dil hi bhool gaya ab to mubtala hona

[A 2 F]

Har ik sitam pe faqat maa'il -e- dua hona
Likha gaya hai ab iss shehr ka fana hona

Kharre hein ab to wujood -o- adam ki sarhad par
Bas ik laghzish -e- paa par hai faisla hona

Jo aadmi bhi mukammal na ban sakey thay abhi
Unhein bhi ab to muyassar hua khuda hona

Tamam shehr ki aankhen hein intizaar zada
Inhi dinon mein hai phir koi haadsa hona

Kisi mundair pe nazrein, na chilmanon pe nigaah
Ke dil hi bhool gaya ab to mubtala hona

Kabhi anaa ki faseelain, kabhi zameer ka touq
Ye umr -e- qaid hai iss se kahan reha hona

Hazaar saans ki dori ulajh hi jaaye "SHAM"
Kabhi na apni tamanna ki intiha hona.

Mehmood Sham

[cutelibra]

wahhhhhhh
nice na
Jo aadmi bhi mukammal na ban sakey thay abhi
Unhein bhi ab to muyassar hua khuda hona

[withoutsoul]

BOHT ZABARDAST...................

[naz]

Nice dear

[~*Mehar*~]

very nice sharing

[waqas_kw]

hmm v nice

[A 2 F]

thanks

cutelibra
withotsoul
Mehar
Nazzzz
waqas kw