Kisi Khush nigah Si Aankh Nay

[Shah Jee]

Kisi Khush nigah Si Aankh Nay
Yeh Kamal Mujh Pay Karam Kia...!
Meri Loh-E-Jaan Pay Raqam Kia
Woh Jo Ek Chaand Sa Harf Tha
Woh Jo Ek Shaam Sa Naam Tha...!
Woh Jo Aik Phool Si Baat Phirti Thi Dar Badar
Ussay Gulistaan Ka Pata Diya...!
Mera Dil K Shehar-E-Malaal Tha Ussay Roshni Main Bassa Diya
Meri Aankh Aur Khaab Ko Kisi Aik Pal Main Beham Kia
Merey Aainoon Pay Gard Thi Mah-O-Saal Ki
Woh Uttar Gaye.......!
Woh Jo Dhundh Thi Merey Chaar Soo Woh Bikhar Gaye
Sab Hi Roop Aaks-E-Jamaal K
Sab Hi Khaab Shaam-E-Wisaal K
Jo Ghubaar Waqt Main Sar Basar Thay Attay Howay
Woh Chammak Uthay......!
Woh Jo Phool Raah Ki Dhool Thay
Woh Mehak Uthay.....!
Lay Saath Rang Bahar K
Chala Main Jo Sang Bahar K
Tu Sajja Diye Sab Hi Raastay
Kisi Dast Sho'abda Saaz Nay
Merey Naam Par Merey Waastay
Meri Bay Ghar Ko Panah Di
Meri Justaju Ko Nishaan Diya
Jo Yaqeen Say Bhi Haseen Hai
Mujhay Aik Aisa Ghumaan Diya
Woh Jo Reza Reza Wajood Tha
Ussay Ek Nazar Main Baham Kia
Kisi Khush Nigah Si Aankh Nay
Yeh Kamal Mujh Pay Karam Kia...!

[Shah Jee]

Bohat takleef hotee hay , bohat hee dard sahtaa hoon
Main teree yaad aye to , ghazal aur shayer kahtaa hoon

Yeh mumkin hay naa samjho tum, mairey dil kee baton ko
Mairee shamain bhe tum say hain, tumhee ko saher kahtaa hoon

Yeh ranjish hay, adawat hay, mohabbat hay, kay majbooree
Teree yadon kay tarkash hain bharey, aur main nahetaa hoon

Woh ghar thaa jis main jeenaa, main nay, tum nay, aur mohabbat nay
Ab us tootey gharonday main , tanhaa main hee rahtaa hoon

Mujhey toofaan kee mojon kaa koi dar ab nahee FAISAL
Jafaa kay baher main be safeenaa bhee to bahtaa hoon

[Shah Jee]

Meray KHUDAYA ..

Main zindagi k azaab likhun

K khawab likhun

Yeh mera chehra

Yeh meri AANKHAIN

Bhuje howe se charagh jaise

Jo phir se jalne k muntazir hun

Wo chaand chehra sitara aankhain

Wo mehrubaan saya dar zulfain

Jinhu ne paimaan kiye the mujh se

Rafaqton k , muhabbtun k

Kaha tha mujh se k ae musafar rah e wafa k

Jehan bhi jaye ga hum bhi aain ge saath tere

Banain ge raatun main chaandni hum to din main saaye bakhair dain ge

Wo chaand chehra , sitara aankhain

Wo mehruban saya dar zulfain

Wo apne paimaan rafaqtun k muhabbatun k

Shikast kar k

Na jane ab kis ki rahguzar ka manara e rooshni howe hain

Mager musafar ko kia khabar hai

Wo chaand chehra to bujh gaya hai

Sitara aankhain to soo gai hain

Wo zulfain be saya ho gai hain

Wo rooshni aur wo saaye meri atta the

So meri raahun main aaj bhi hain

K main musafar rah e wafa ka

Wo chaand chehraa sitara aankhain

Wo mehruban saya dar zulfain

Hazarun chehrun hazarun aankhun

Hazarun zulfun ka aik sailab e tund le kar

Meray tuaqab main aarehe hain

Her aik chehra hai chaand chehra

Hain sari annkhain sitara aankhain

Tamaam hain

Mehruban saya dar zulfain

Main kis ko chahun main kis ko chumon

Main kis k saaye main beth jaoon

Bachuun k toofaan main doob jaoon

K mera chehra na meri aankhain

Meray KHUDAYA ..

Main zindagi k azab likhun

K khwab likhun

[Shah Jee]

Ajab Pagal Si Larki Hai
Mujhay her khat main likhti hai

“Mujhay tum yaad kertay ho?
Tumhain main yaad aati hooN?”

meri baatain satati hain
meri neendain jagati hain
meri aankhain rulaati hain
december ke sunehri dhoop main abb bhi teheltay ho?
kisi khamosh rustay se
koi awaaz aati hai?
Thatharti sard raatoN main
tum abb bhi chhatt pe jaatay ho?
falak ke sab sitarooN ko
meri baatain sunatay ho?
kitaboN se tumharay ishq main koi kami aai?
ya mairi yaad ke shiddat se aankhoN main nami aai?

Ajab pagal Si larki hai
mujhay her khat main likhti hai..
Jawaban ous ko likhta hooN..
meri masroofiyat daikho subah se shaam office main
chiragh-i-umer jalta hai
phir ous k baad duniya kee
kaee majbooriyan pao`n main bairi daal rakhti hain
mujhay bay-fikr, chahat se bharay sapnay nahin dikhtay
Tehelnay, jagnay, ronay kee mohlat hee nahin milti
sitarooN se millay arsa hua..naraz hon shayad
kitabooN se shughaf maira abhi waisay he qayem hai
farq itna parra hai ab ounahin arsay main parhta hooN
tumhain kis ne kaha pagli tumhain main yaad kerta hooN
ke main khud ko bhulanay kee musalsal justajoo main hooN
tumhain na yaad aanay kee musalsal justajoo main hooN
mager yeh justajoo meri bohat nakaam rehti hai
mere din raat main abb bhee tumhari shaam rehti hai
mere lafzooN ki her maala tumharay naam rehti hai
tumhain kis ne kaha pagli tumhain main yaad kerta hooN
poorani baat hai jo log akser gungunatay hain
ounhain hamm yaad kertay hain jinahin hamm bhool jatay hain

ajab pagal si lerki ho
meri masroofiyat daikhoo
tumhain dil se bhulaooN tu tumhari yaad aaye na
tumhain dil se bulanay kee mujhay fursat nahin milti
aur iss masroof jeewan main
tumahray khat ka ikk jumla

“tumhain main yaad aati hooN ?”

meri chahat ki shiddat main kami honay nahin daita
bohat raatain jagata hai mujhay sonay nahin daita
so agli baar apnay khat main yeh jumla nahin likhna
ajab pagal si larki hai mujhay phir bhee ye likhti hai
mujhay tum yaad kertay ho tumhain main yaad aati hooN ?

[Shah Jee]

Younhi hansi hansi main hum
Dillo'n se khel jaatay hain
Koi choti si teekhee baat
Koi chubhta hua jumla
Koi zehar aalood lehja
Koi bezarar si zomaani baat
Sunney walay kay dil par ghao laga jati hai
Phir kitni hi talaafi kay marham lagao
Woh aansoo'n jo aankh se girta hi nahi
Andar hi andar jam jaata hai
Baraf par giray, Mosam kay qatray ki tarah
Aur woh baraf toh shayad
Waqt ki garmi se, pighal jaati hai
Magar woh qatra!!!
Jab pighalnay lagta hai, phail jaata hai
Barh jaata hai, bas khatam nahi hota
Aur yuon hi hansi hansi main hum
Dillo'n se khel jaatay hain

[Shah Jee]

Zamanay Bhar Ki NigahOn Main Jo Khuda Sa Lagay
Wo Ajnabi Hai, Magar Mujh Ko Aashnaa Sa Lagay

Na Jaanay Kab Meri Duniya Main Muskuraye Gaa
Wo Aik Shakhs K KhuabOn Main Bhi Khafa Sa Lagay

Ajeeb Cheez Hai YaarOn, Ye ManzilOn Ki Havas
K Raahzan Bhi Musafir Ko, Rah-Numa Sa Lagay

Dil-e-Tabaah! Tera Mashvara Hai Kia, K Mujhay
Wo Phool Rang Sitaraa Bhi, Be-Wafa Saa Lagay

Hui Hai Jis Se Munavvar Har Aik Aankh Ki Jheel
Wo Chaand Aaj Bhi IMRAN Ko Kam Numa Sa Lagay

[kanwal]

Nice.........sharing

[kanwal]

this z bueatiful poem........ nice sharing.

[kanwal]

Nice1..............

[kanwal]

very very nice............

[kanwal]

very nice..............

[Sparrow]

nice sharing shah ji ...................

[kanwal]

very nice...........

[Sparrow]

Amjad Islam Amjad ki khobsorat nazam
ma fav.
thx for sharing.......

[Sparrow]

nice 1................