*~~*zaban ki hifazat*~~*

[nikamma larka]

*~~*zaban ki hifazat*~~*
========================

zab Allah tala ki aik azeem namat hai is kai zarye agra insaan chahay to apni akhrat kai lie nekiun kai khazanay jaman kar sakta hai aur chahay to apni akhrat barbad karsakta hai nabi (salla Allah ho ale wassalam )nay hazrat maaz (raziAllah tala anho ) ko naseehat kartay hooye apni zaban e mubarak ko pakra aur farmaya

"isse qaboo main rakho"unhoonay arz ki"ya rasool Allah jis kai zarye ham kalam kartay hain us kai mutabiq bhi kia pooch hoo ge ? App (salla Allah ho ale wassalam) nay farmaya "loog jo doozakh main oondhay moon giraye jayen gay wo iss zaban ki kate hoye khete ho to hai !" (tarmizi)

aur baaz deger mawaqi par App (salla Allah o Alehi wassalam ) nay farmaya

"musalmanoon main behtareen wo hai jis ki zaban aur hath se dosray musalman mehfooz rahain "(muttafiq e alehi )

"jo shakhs mujhye apni zaban aur sharamgah ki hifazat ki zamanat dai main us kai lie jannat ki zamanat deeta hoon "(muttafiq e alehi )

"banda bila soochai samjhay baaz ooqaat ease bat moon se nikal deeta hai kai wo baat isse mashriq o maghrib kai faslai se ziyada doozakh ki gahraye main poohancha dete hai "(muttafiq e alehi )

"admii jab sobha so kai uthta hai to uskai saray aaza us say hath joor kar kahtay hain kai hamare mamlai main Allah se darte rahna kai hamara madar hi tujh par hai tu sedhe rahe to ham bhi sakoon say rahain gay agar tu hi larkhara gaye to hamare hi kambakhte hai "(tarmizi)

"shab e mairaj main maira guzar aik aese garoh par hoya jin kai nakhun tanbai kai thay aur seena nooch rahai thay main ne poocha ye kon loog hain ?tu jibraleel (alehi salam) ne bataya ye wo loog hain jo logon ka gosht khatay (geebat kartay)thay aur in ki izzaton se kheltay (buhtanlagatay) thay "(abo daiode)

zaban kai chand gunah darj zail hain

*~~*JHOOT BOLNA :*~~*
=====================
NABI (salla Allah o Alehi wassalam) nay farmaya
sach yaqeenan bhalaye ka rasta dekhata hai aur bhalaye jannat ki taraf le jate hai aur jo shaks hamesha sach bolta rahta hai Allah tala kai han us ka naam siddiqe likh diya jata hai aur jhoot yaqenan gunah kai rastay par laga deta hai aur gunah dozakh main pohancha deta hai aur jab admi hamesha jhot bolta rahta hai to Allah tala kai han wo jhota shumar kar deya jata hai "(bukhare)

"aur jab banda jhoot bolta hai to farishta us ki badbo kai baix aik meel dor ho jata hai "(tarmizi)

nabi(salla Allah o Alehi wassalam)ko alem e barzkhakh khuab main dikhaya gaya farmaya
mujhye aik gaddi kai bal leeta hoya shakhs milla us kai pass aik dosra shashks lohay ka ankra lie khara tha jo aik simt akar ankra us kai aik kalai main phansata aur gaddi tak usee cher deta nathnay main phansata aur gaddi tak usse bhi cher deta isse tarhan ankh kai dhele main isse phanasat aur aur gaddi tak isse bhi cheer deta phir dosre taraf akar yehe amal dohrata aur is se farigh na ata kai pahle janib kai aza durast halat main ajatay aur phir wo aese hi karta jaise pahle martaba kia tha bataya gaya kai ye shakhs jhoot bolta tha aur loog (isse mutabir samajh kar) iss ki jhoote batain naqal kartay thay aur yoon woo jhoot aam logon main phail jata tha is shakhs kai sath ye amal qiyamat tak jare rahai ga (bukhari)

APP(salla Allah ho ale wassalam) nay munafiq ki 4 nishanion main se aik nishani jhoot bolna biyan farmaye hai neez biyan farmaya
" halakat hai iss kai lie jo logon ko hansanay kai lie baat karta hai aur is main jhoot bolta hai is kai lie halakat hai !! is kai lie halakat hai!!"(tirmizi)

basa uqat bachai ko bahlanay ki khatir ya isse kisi sharart say rooknay kai lie mayen bay takalluf bachon se jhoot bol deten hain aur isse shumar bhi nahin karten jabkai nabi(salla Allah ho ale wassalam) ki aik hadees ka mafhoom ye hai kai "agar maan bachai ko khuch dene ka wada kar kai phir isse khuch na dai to is kai khilaf aik jhoot likh diya jata hai "(abo diode)

neez jhote gawahi kai baray main app (salla Allah ho alehi wassalam) nay farmaya "jhoote gawahi deena aur shirk karna donon barabar kai gunah hain "

jhoot bunyade toor par haram hai lakin baaz halat main jayez bhi hai nabi(salla Allah ho ale wassalam) nay farmaya "wo shaksh jhoota nahin ahi jo logon main sulah o milap ki khatir apni taraf say koi bat gharh kar kah dai "(bukhare)

umme qulsom farmaten hain "main mnau app (salla Allah ho ale wassalam) ko 3 moqon kai siwa logon ko apni bool chal main kisi aur bat par chot daite nahin suna , laraye kai moqon par ,logon kai darmiyan sulah o safaye kai lie , ya mian biwi ki baham diljoi ki baton main "

maslan agar koi kisi zalim say dar kar jo is ki jan ya mal ka dushman ho kisi kai pas chup jaye ya apna maal chupa dai aur ksii se is kai mutaliq pocha jaye to us kai lie wajib hai kai us ko jhot bol kar ise bachaye aur ahtiyat is main hai kai kai in tamam sortoon main aese gol mol bat kahai kai maqsad kai lehaz say to wo alfaz sahen hon lakin mukhatib apni samajh ki wajah say galat matlab nikal lai aur agar majboran saf alfaz main jhot bol dai to aese sorat main haram phir bhi nahin hai ye bat wazah rahai kai is tarhan karnay se jhot sach main nahin badal jata taham Allah tala se tawaqqo ki jate hai kai halat ki riyayat say dar guzar farmayen gay maslan angraiz aik aalim ko griftar karnay kai lie aye sipahe inhain pahchantay nahin thay unhonay inhen se pocha kai falan aalim kahan hain ?unhoonay apni jagha se thore door kharay ho kar kaha abhi to yahen thay aur yoon sipahi mayoos ho kar chalay gaye

*~~*GEEBAT :*~~*
================
irshad e bari tala hai
"aur na tum main se koi ksi ki gebat karai bhala tum main se koi is bat ko gawara karai ga kai apnay murda bhai ka gosht khaey ?ye to tum ko yaqenan gawara nahin aur Allah se dartay raho beshak wo bara hi tuba qabol karnay walla rahem hai (Alhujrat 49:12)
nabi(salla Allah o Alehi wassalam) nay farmaya
"gebat ye hai kai tu apnay bhai ka zikar aese karay kai jise wo napasand karta ho agar wo bat us kai andar mojod ho to ye gebat hoye aur agar is kai mutaliq wo bat kahe jo us kai andar nahin hai to tu ne us par buhtanlagaya(mashkwat)
momin bhai ki khair khuahi ka taqaza hai kai us ki kisi khami ka dosron se zikar na kia jaye balkai alehedgi main ikhlas kai sath ise nasehat ke jaye kiun kai nabi(salla Allah o Alehi wassalam) nay farmaya
"geebat us waqt tak Allah maaf nahin karai ga jab tak wo shaskh us ko mafi na dai dai jis ki is ne gebat ke "(mashkwat)
geebat ka aik laffara ye hai kai app us ki jis ki ap ne gebat ki maghfirat ki duya karain "aee Allah tu maire aur is ki maghfirat farma"(mashkawat)
kisi majlis main gebat sunain tu gebat karnay walli ko mana karain na manay tu chahain kai is majlis se uth jayen is lie kai nabi (salla Allah o Alehi wassalam) nay farmaya
"jo apnay bhai ki azzat o abro ki himayat kar kai is ki gebat ko rad karay ga Allah tala qiyamat kai din us ko jahannum se door rakhain gay "(tirmizi)
"murdon ko bura bhala na kaho is lie kai wo apnay anjam tak pohanch chukai hain "(bukhari)

baaz halaat main gebat jayez hai maslan kisi ne kisi kai sath nikah ,karobar ya koi mamla karnay kai silsilay main mashwara talab kia tu jis se in mamlat main mashwara lia jaraha ho us par lazim hai kai wo koi bat na chupaye mazloom zalim ki shikayat karnay kai lie , isse tarhan baitay ki galat rawi ki khabar baap ko dena lakin is main maqsood e haqeeqi islah ho

*~~*TAANA ZANI*~~*
==================
Taan arabi zaban ka lafz hai aur is ka matlab hai neza marna chonkai tana sun kai dil ko shaded takleef hote hai goya kisi ne dil par neza mar diya ho isse lie is amal e bad ko tana kaha jata hai tana aur gebat main farq siraf ye hai kai gebat pase pusht ki jate hai aut tana samnay diya jata hai ,irshade bari tala hai
"aee logon jo iman laye ho na mard mardon ka mazaq urayen mumkin hain kai wo (Allah kai nazdeek)un se behtar hon aur na ortain (dosre )orton ka ka mazaq urayen ho sakta hai kai wo un se behtar hon aur na aik dosre ko tanay do aur na aik dosre par bure alqab chaspan karo buhat hi bura hai iman kai bad fisq main nam paida karna aur log in baton se tuba na karain tu wahe zalom hain (Alhujrat 49:11)
kisi kai shakal o nasam aur gurbat par taan karna aik intihaye jahilana harkat hai kiun kai inhen insaan ne khud nahin chunna hota Hazrat abo zar (Razi Allah tala anho) biyan kartay hain kai main ne apnay gulam ko is ki maan se aar diwaye tu rasol e Khuda (salla Allah o Alehi wassalam) nay mujh se farmaya
"beshak tum aik aese admi ho jis main jahiliyet ka abhi bhi asar baqi hai " (bukhari)

*~~*BAD ZABANI*~~*
==================
baaaz log jab ksii napasndeda sorate hal main ghir jatay hain tu wo apnay gam o gussay ka izhar karnay kai lie sabhi logon par pil partay hain hazzor(salla Allah o Alehi wassalam)nay ise sakht na pasand kia aur farmaya
"qiyamat kai idin Allah kai nazdeek martabai main sab se bura admi wo hoga jis ki badzabani se bachnay kai lie loog isse choor dain"(muslim)

*~~*AFWAHAIN PHEELANA*~~*
=========================
App(salla Allah o Alehi wassalam) nay farmaya
"admi kai jhota honay kai lie itna hi kafe hai kai wo jo khuch sunain us kai sahe ya galat honay ke tahqeq kiye bagair agay naqal kar dai"(muslim)

*~~*GAALI DEENA*~~*
===================
App(salla Allah o Alehi wassalam)nay farmaya
"musalman ko gali dena fisq aur is ko qatal karna kufr hai"(muttafiq e alehi)
neez"koi shakhs dore shaks ko fasiq o kafir na kahai kiun kai agar wo wo fasiq o kafir nahin hai to wo fisq o kufr kahnay wallay par loot ata hai "(Bukhare)
Aur "aik dosron main galian dene wallon main ibtada karnay walla kasoor war hai basharta kai mazloom jawab main had say na barh jaye "(muslim)

*~~*TUHMAT LAGANA*~~*
=====================
Irshad e bari tala hai
"aur jo loog momin mardon aur aurton ko baghar is kai kai unhonay khuch kasoor kia ho nahaq tuhmat laga kar azzeat dete hain tu wo loog buhtan aur sareh gunah ka booj apni gardan par lete hain"(Alahzab :33:58)"
App(salla Allah o Alehi wassalam)nay farmaya
"jis shaks nay apnay bandi ya gulaam par zana ki tuhmat lagaye tu qiyamat kai din us par had lagaye jaye gi Illah ye kai us ne jo kaha waqyetan aesa hi hoya ho"(muttafiq e alehi)

*~~*FAHASH GOII*~~*
====================
Irshad e bari tala hai
"jo loog chahtain hain kai musalmanoon main fahash phalai un kai lie dunyan aur akhrat main dard nak azab hai "(Alnoor :24:19)
App(salla Allah o Alehi wassalam) nay farmaya
"qiyamat kai din Allah kai nazdeek sab se ziyada bura shakhs wo ho ga jo apni bewi kai pas jaye aur apni bewi kai pas aye aur phir wo apni bewi ki raz ki batain logon ko bataye "(muslim)
neez"momin na tu tana dene walla hota hai na lanat karnay walla na fahash kahnay walla aur na zaban daraz hota hai"(tirmizi)

*~~*CHUGHAL KHORE*~~*
=====================
App(salla Allah o Alehi wassalam) nay farmaya
"chugle wo hai jo logon main fasad dalai"(muslim)
neez"chugal khoor jannat main dakhil nahin hoga"(muttafiq alehi)

*~~*DOGHLA PAN*~~*
=================
App(salla Allah o Alehi wassalam) nay farmaya
"tum qiyamat kai din battaren admi us shashkhs ko payo gay jo dunyan main do chahray rakhta tha khuch logon kai sath aik chahray kai sath milta tha ur dosre logon kai sath dosre chahray say kai sath (yani samnay khuch aur peth pechai khuch (muttafiq alehi)
aur"aur jo shaks duna main dogla pan ikhtiyar karai qiyamat kai din us kai moon main do zabanain honge "(Abo diode)

*~~*JHOTE TAREEF*~~*
====================
App (salla Allah o Alehi wassalam) nay suna kai koi shashks kisi ki tareef main mubalgha karraha hai tu farmaya
"taire barbadi ho tu nay apnay bhai ki gardan kat de"(murad ye hai kai mubalgha amez taref usse garor ka shikar bana kar tabah kar dai ge )App(salla Allah o Alehi wassalam) nay is kalimt ko 3 bar irshad farmaya (phir farmaya kai )agar tum main se kisi ko kisi ki taref karne hai tu is tarahn karai kai agar wo us ko janta hai tu kahai main isse aese guman karta hon aur Allah us ka nigibhan hai aur main Allah kai samnay kisi ko bhi paak nahin tahrata "(bukhare)
App(salla Allah o Alehi wassalam) nay farmaya
"aur jab fasiq ki tareef ki jate hai tu Allah tala gussa hota hai aur arsh hilnay lagta hai "(mashkawat)

*~~*LANAT KARNA*~~*
===================
App (salla Allah o Alehi wassalam)nay farmaya App() nay farmaya
"jab tum kisi shasks ko suno kai log tabah hon tu wo khud sab say ziyada tabah honay wala hai "(abo diode)
"mat phitkaro kisi chez ko Allah ki lanat say aur Allah kai gasab say aur na jahannum ki all sau"(abo diode)
"banda jab kisi chez par lanat bhejta hai tu wo asman ki taraf jati hai wahan par kai kai lie darwazay band kardye jatay hain tu wo zamen par utarte hai wahan kai darwazay bhi siee band miltay hain ab wo daien bayen rasta talash karte hai ab agar use phir bhi koi rast anahin milta phir wo jis par lanat ki gaye hai us kai pas jate hai agar wo us kai mustahiq hai tu khair, warna lanat karnay walay kai pas loot ate hai "(abo diode)

*~~*KHAMOSHE KI FAZEELAT*~~~
============================
ZABAN qabo main na honay se insan tarahn rtarhan kai gunha kar betha hai ise lie is ki hifazat kai lie app(salla Allah o Alehi wassalam) nay khamoshi ki waeed ki aur farmaya
"ju shaskh Allah aur yom e akhrat par iman rakhta ho usse chahye kai agar bolay tu moon se bhali bat nikale warna khamosh rahay"(muttafiq alehi)

*~~*AKHRE BAAT*~~*
==================
app (salla Allah o Alehi wassalam) nay farmay
"ju musalman kisi dosre musalman ko kisi aese waqt be madad gar choray ga jis main us ki izzat par khatra ho aur us ki abro utare jate ho tu Allah us ko bhi aese jagha par choray ga jahan wo Allah ki madad ka khuahish mand ho ga aur ju musalman ksi musalman ki aese moqai par madad aur himayat karai ga jahan us ki izzat aur abro par khtar ho tu Alllah aese hi moqai par us ki madad farmye ga jahan wo us ki madad ka khuhish mand ho "(abo diode)
"ju shaskh dozakh se dor rahna aur jannat main dakhil hona chahta hai us kai lie lazim hai kai wo Alah aur yom e akhrat par emen rakhtay hoye maray aur logon se aesa hi bartayoo aur salok karai jaisa salok apnay sath pasand karta hai"(muslim)

(Long hai lekin bohat in4mative hai)

[PaRaDiS3 LoSt]

(Long hai lekin bohat in4mative hai)

so sharp bacha ----------
jAZAK ALLAH

[Inn0c3nt_Eyes]

Jazak'Allah ..... !!

[nikamma larka]

hain me aur sharp?????????

[sniper]

Sach kaha is liya App(saW) nay kaha na k 2 cheezo'n ki zamanat daydo may jannat ki zamanat dayta hoon us may say aik zuban ki baat ki
JazakAllah.

[Mysterious Star]

JAZAKALLAH, <woh joht jo kisi ko beabroo honey se bachaney ke liye bola jaye us sach se bahitr hai jo kisi ko roswa kerdey>THANKU I MUST SAY AN EXCELLENT POST!10/10.SHAABASH .

[afreen imran]

JAZAKALLAH,best post
thanks for sharing

[DiL_SaY]

Masha Allah bht Nice Sharing JazzakAllah Khair

[Barbie Doll Jiya]

Jazzak Allah Khair..............................