Polling>> Writer of the Year 2006

[~*Heer*~]

Salam friends


is year may jitnay members nay witer of the month ka award win kia hai un ki threerien di ja rahi hai ... jin may say aap ko aik ko vote dena hai .... jis ki threer ko sab say zaida votes milay gay .... usay writer of the year ka award dia jaye ga


No 1 :- ( May)



No 2:- ( June)

No 3:- ( July)

Aaa QasaM Khane waLe...!

Aaa Qasamian khane wale ...tumne tu kha tha ke tum sath nibhao gai...jab tak sans hia...tumne tu mujhe khushguman he bana deya...or aisa khushguman banaya ke...main apni khush gumaniou se shayad kabhi na nikal sakon...hum larkiyan shayad khushgumaa'n hi hoti hein...jo dhokey main aa hi jati hein...yeh soche samjhe bina...ke kahe Qasam khane wala hum se khail tu nahi raha...najane kab hum khush gumaniou se nikal sake gi...najane,,, najane kab.!!
Bolo ? Aaa qasam khane wale bolo ? ku kiya aisa tum ne...jeete jee mujhe murne ki saza de dali...Mera kiya qasoor tha bus yehe na ke...tumhara yaqeen kiya...tum se Mohabbat ki...tumhe apni zindagi ka sarmaya samjha...bus yehe mera qasoor hai...ke main tumhe pechan na sake...shayad such he kha jata hai ke Qasam khane wale jhote hote hian...tum bhi jhote ho...tum ne aik khail khila. jis main jeet tumhari hue or haar mera muqadar ...leken yaad rakhna main tumhe bud dua nahi de rahe...kaise de sakti hon...tum se Mohabbat jo ki hai...jo kabhi na kum hone paye gi...bus itna yaad rakhna ke...Mere bad tum bhi khush na reh pao gai.

Aaa Qasam khane waLe ...!

No 4 :- ( Aug)


No 5:- ( Sept)

Zindagi...Kabhi Khushi tu Kabhi Ghum...Kabhi Sirf Khushi...Tu Kabhi sirf Ghum...Or Kabhi Pachtawa Tu Kabhi Umeed Tu Kabhi Na Ummedi...Kabhi Dhoka Tu Kabhi Bharosa...Kabhi Mohabat Tu Kabhi Nafret...Kabhi Udaas Shamain Tu Kabhi Ratjagey....Kabhi akela pun...tanaye...or kabhi Logo ka hajoom...Kabhi Dosti Tu Kabhi Intizar...Kabhi Qurbat Tu Kabhi Judai.

Yeh Sub Zindagi Ke Mukhtalif roop hian...Hamesha aik sa Musam or hamesha aik sa waqt nahi rehta...Sub kuch badul jata hai...or Log bhi badul jate hain...Jab Log Badul Jate Hain Tu Dard Tu Bhot Hota Hai...Leken Insan Haina...Jab Iska Piyara Koi Mar Jata Hai Tab Bhi Ise Hosla Ate Ate A he Jata Hai...Ke Yeh Azmaish He Hote Hai Allah Ki Taraf Se...Mout Bhi Zindagi Ki Aik Bhot Bari Haqeqat Hai.


Baz dafa Mohabat ko he zindagi samjha jata hai...or Baz dafa zindagi Ko Dhoka samjha jata hai.


Kisi Se Pocho Zindagi Kiya Hai ?

Jawab Ata Hai

"Ghum Ka Darya Hai"

Tu wo Lamhey Kha Gaye Jo Khusiou Ke They ?

Hum Insan Bhi AJeeb He Hote Hain...Bus In Lamho Ko Yaad Rakhte Hain...Jab Ghum Zindagi Main Aya Tha...In Palon Ko BhooL Jate Hain...Khushi Ka Pul zindagi Main Aya Tha...Ghum Ko Khud Per Hawwii Karlena Bhala Kha Ki Aqal Mundi Hai...Aj Agar Ghum Hai Tu KaL Khushi Hogi....Sada Aik Sa waqt Nahi Rehta...Bus Niyat SaF Hone Chahye...Manzil Asan Hojate Hai...

Mana Zindagi Aasan Nahi...!

Kabhi Kabhi Apni Khushi Ko chor Kar Dosro Ki Khushiou Per ChaLna Parta Hai...Kuch Aise FaisLey Bhi is Zindagi Main Karne Parte Hain...Jin Ko Karte waqt...DiL Toat Sa Jata Hai.

Leken Yehe Zindagi Hai.

Qurbani...Dosro Ki Khushi Shayad Ise He Zindagi Kehte Hain...!
No 6:- ( Oct)

BahaR The TuM...! (AiK Khani) October


No 7 :- ( Nov)

Umeed�.
�Pe�Wasta Reh Shajar se
Umeed-e- Bahar Rakh �
&
�Hope sustains Life �
Umeed Kiya hey ??
Alif�......Arzoo
MeeM.. ..Mehnat
Yeh.. ....Yaseeat sey Bachey Rehna
D�........Dua
In sab Alfaz ka nichor Jis Lafaz key rup mein samney ata hey wohey �Umeed�
Insani Zindaghi kee baqa ka razz umeed mein chupa hey, Anthak mehnat key baad bhii ager sila na miley to sirf aik umeed hi hotii hey jo agey barhtey rehney ka jawaz farahim kertii hey.
Insan Pedaish sey Le ker Marg tak Umeed key Saharey per zindagi Guzar deta hey.
Umeed ney Mukhatalif tarah sey insani zindagii ko apney gherey mein liya huwa hey
Paa ker Na khoney kee Umeed�..
Harney key Baad Jeetney Kee Umeed..
Ghir key Sanmbhalney kee Umeed�..
Jesy Bicherny key Baad mileny kee umeed�.
Maa Baap achey Mustaqbil kee Umeed per apney bachey kee Parwarish kerty hein us achey sey achey Institute mein bhejtey hein, wo Bacha jab Jawan hota hey to us kee khawahishoun ka diya roshan ho jata hey, wo apni Khawahishoun ki Takmeel ki umeed per unhi Maa Baap ko chor kar kisi aur Dunya mein chala jata hey �.
Zindagii sey ager �Umeed � ko nikal diya jaye to phir kuch baqee nahe bachta, Jesey koi mareez Zinda rehney ke Umeed chor dey to wo Zinda Lash ban jata hey��
Hamara Har Qadam kisi Umeed key Sahary uthta hey..Fankar apney Fun kee Daad ke Umeed per Behter sey Behter kamm karta hey..
Sohni ney apney Mahiwal sey Milney key Liye kachey Gharey per teir gayee thee, sirf aik umeed per key wo apney Mehboob ko mil sakey gii..
Do chahney waley aik dusrey ko Hasil karny kee Umeed Per sab kuch ker Guzerty hein.
In sab cheezoun key baad aik baat zehan mein atii hey key Khawahish aur Umeed aik dusrey Key liye Lazm-o-Malzum hein, Pehly koi Khawahish Janam leti hey phir us kee Takmeel Ki Umeed ..Aurat Banao Singhar kartii hey apney Sarahey janey aur acha lagney ke Khawahish ki Takmeel key liye aur is Umeed per key us ko saraha jae�
Hum apney Rab Key agey Jhukty hein kiunkey humein umeed hotii hey key wo humari is abadat key siley mein Humein Bakhash dey ga..

Woh subha kabhi to aye gi

In kaali Sadiun ke sar sey jab raat ka anchal dhalke ga

Jab dukh key badal Pighlein gey jab such ka saagar jhalkey ga

Jab amberjhoom ke nachey ga jab dharti naghme gaye ge

jis subah ki khatir jug jug sey hum sab mar mar key jeety hein

Wo h subha kabhi to aye gi

Kabhi Kabhi youn bhii hota hey Insan Kisi Janey waley ki wapisi ki Umeed per usi aik muqam per khara rehta hey ..

Tumhey yeh Zid thi key ham bulatey

Humein yeh Umeed key wo Pukarein

Yeh Umeed hi hoti hey jo Insan ko kuch kerny ka Hosla detii he. Meri nazar mein Insani Zindagi Umeed key Satunoun per khari hoti hey aur in Satunoun key Bina is key girney ka andesha hota hey,,,,
Umeed key diye Zindagi mein ujala kiye rakhtey hein aur jab Umeed ke Diye bhuj jaein to Har tarif ghupp andhera cha jata hey....

[Princess Gato]

Voted ...
# 2 dhoond ke parhna parra ...

# 2 show nahen ho raha hai ...

[sheem]

voted

waise is mai teen tu naz ki hain

user k naam hi likh dete sirf

[Pukhtana_4_Lyfe]

all of them are good but had to choose one

[~*Heer*~]

voted ............

[Shab-e-Firaaq]

2 tu yaar Show hi nahin ho rahi tu ab aise hi dey doon ya kia karna chahiye ?

[NoToRi0uS]

Voted.............

[Xtremist]

Waisay i think ... it's not fair ... coz december competition bhi iss main include hona chahiye tha ... plz iss poll ko dobara banayain ...