All Pakistani Dramas Lists
Latest Episodes of Dramas - Latest Politics Shows - Latest Politics Discussions

View RSS Feed

NoToRi0uS HouSe

Beete Lamhat Ki Sargoshian

Rate this Entry
      
   
Beete Lamhat Ki Sargoshian Bhee ajeeb hoti hein. Ajj 2007 apne ehtitam ko Pouhcha aur 2008 ka Aghaz ho geya.
Yeh Neya Saal, Jab Log Neya Saal Khush Ho ker mana rahe hein , meine bhi aik Lamhe ke Liye apnai kamre ki khirki se bahir Jhanka , Waqat ki Ghardish tham si gae mere liye us aik Pal mein .
Kuch Beete Lamhoun ne Achanak Yalghar ker di...
Inn Beete Lamhat ne Sargoshi mein kaha..
Ham bhee kabee thei tere sath, ajj ager tere pass nahee hein to kia huwa lekin aik pal ke liye palit ke hamari taraf bhee dekh
us aik Lamhey mein beete waqat ki aik Film si chal parri,
Wo sab Khubsurat aur Na Khushgwar Lamhat yaad aye..
Aik aik chehra nazar se guzra...
Har Guzre Lamhe ne Dil per dastak di
aur mein..
Khamosh Raat ke Andhere mein Fiza mein Bikhri Roshnioun ko aik tik dekhe ja raha tha..
Lekin
Waqat ka Pahiya kahan rukta hai,sab kuch rond ke agey barh jata hai, is ko guzer hi jana hota hai so guzer jata hai ..
Lekin is Guzre waqat kai
Kuch
Beete Lamhe..
Bichre Dost..
An Kahi Batein...
Ghair eham Cheezein..
Na-khushgwar Yadein..
Bohat satati hein...
Yeh Aik Lamha Bohat Bhari aur Ruka ruka sa. Jab guzra to ankhoun mein ae nami ko pounch ke dil se aik he dua nikali ke " Ae Mere Rab, Sab Ko Khush Rakhna, Jo Ajj Hamare Sath Nahee Un ko Bhee aur Jo Ajj Qadam se Qadam Mila ke sath hein Un ko Bhee (Aameen)


01-01-2008
12:34 AM

Aamir
https://www.friendskorner.com/forum/f...goshian-30769/

Updated 02-14-2009 at 04:16 AM by NoToRi0uS

Categories
Meri Tehreerein

Comments

Log in