Kajal89

wo tou gaya, ab apni ana ko samait ley
aye ghumgusar! dast-e-dua ko samait ley....

balon mei apne dal ley ab khak-e-koye yaar
bahon mei is gali ki hawa ko samait ley....

mitti ki ik lakeer bhi kah de gi dastaan
chalney ka shok hei tou rida ko samait ley....

in aablo ki roshni bhatkey gi shaher mei
aye kocha-e-gard! gardish e paa ko samait ley....

lafzo ko tark ker dey ke inko nahi sabaat
aankho mei aaj apni wafa ko samait ley....

bas aik chup hi tere labo pe saji hei
bas apne dil ko sail-e-bala ko samait ley....

khalid kabhi tou tazkra-e-jaan suna humein
apni sada mei khof-e-sada samait ley....