All Pakistani Dramas Lists
Latest Episodes of Dramas - Latest Politics Shows - Latest Politics Discussions

View RSS Feed

nayyabktk

Chaand chehra sitaara aankhen

Rate this Entry
      
   
CHAAND CHEHRA SITAARA AANKHEN

mere Khuddaya! main zindagi ke azaab likhun ke khuwaab likhun
ye mera chehra, ye meri aankhen
bujhe hue se chiraagh jaise
jo phir se jalne ke muntazir hun

wo chaand chehra, sitaara aankhen
wo mehrbaanh saayadar zulfain

jinhun ne paimaah kiye thai mujh se
raffaqtun ke, muhabbaton ke
kaha tha mujh se ke aye mussafir rah-e waffah ke
jahaan bhi jaye ga hum bhi aayen gey sath tere
bane gey raaton mein chandni hum to din mein saaye bikheir dein gey

wo chaand chehra, sitaara aankhen
wo mehrbaanh saayadar zulfain

wo apne paimah raffaqton ke muhabbaton ke
shakast karke
najane abb kiss ki raahguzar ka munara-e roshni hue hain
magar mussafir ko kyaa khabar hai
wo chaand chehra to bujh gaya hai
sitaara aankhen to soo gayi hain
wo zulfain besaaya ho gayi hain
wo roshni aor wo saaye meri ataa thai
so meri raahon mein aaj bhi hain
ke main mussafir-eh waffah ka

wo chaand chehra sitaara aankhen
wo mehrban saayadar zulfain

hazaaron chehron hazaaron aankhen
hazaaron zulfoun ka aik sailaab-e-tund leker
mere taaqab mein aa rehe hain
har aik chehra hai chaand chehra
hain saari aankhen sitaara aankhen
tamaam mehrbaan saayadaar zulfain
main kiss ko chahun, main kiss ko chumoun
main kiss ke saaye mein beth jaaon
bachon ke toofan mein doob jaaon
ke mera chehra, na meri aankhen

mere Khuddaya! main zindagi ke azaab likhun ke khuwaab likhun....


ABDUL NASIR NAYYAB KTK
NAYYAB_KTK23@YAHOO.COM
03139003346
03456757117
03129332701
Categories
Uncategorized

Log in