Kajal89

soch ke sanchey mei ilfaz jo dhal jatey hein
wo humein ley ke boht dor nikal jatey hein

kaisa ghum hei jo her ik roz barha jata hei
waqt ke sath suna tha ke sambhal jatay hein

sangdil ho koi ya maslahat andesh yahan
pyar ki raah mei dil sab ke pighal jatay hein

kuch nahi mangtay hum tere siwa duniya se
or hon gey jo khilono se bahal jatay hein

sans ki dor tere naam ki mala hei humein
tujh se ghafil hon tou hum soy-e-ajal jatay hein

jinko manzil se shanasa kiya hum ne aamir
wo humein daikh ke rasta hi badal jatay hein