All Pakistani Dramas Lists
Latest Episodes of Dramas - Latest Politics Shows - Latest Politics Discussions

View RSS Feed

nayyabktk

sirf fana hai...............!

Rate this Entry
      
   
sarhad paar ke dost mujhe kehty hain...
sarhad ka jhagra hi kiya hai...
hum sab aik hain, sab acha hai...
har aik sarhad be-maani hai...
dunia ki takhleeq se ab takk..
sarhaddien banti aor mit-ti rahi hain..
yuhi banti mit-ti rahien gi..
un ko choro..
kaanoo se jo aaj suna hai..
aor aankhien jo janam janam se dekh rahi hain..
un ke beech hadd-e-faazal bohat bari hai..
taary mutthi main bharr lena..
acha to lagta hai laiken..
kon sitaary ko choo sakta hai..
rah main saans ukharr jaati hai..
jazbay ki aafaaq baday hain..
lamhy ki safaaki laiken is se sadiyoon aagy ki hai..
khwahish ke kuhray ki peechy..
dard ki har sarhad roshan hai
ik sarhad kashmir ki seena peet-ti maoon ke aansoo hain..
behnien apny bhaayioon ko...
bain se rukhsat karti hain...
parbatt shor machaaty hain...
un noohoon ko duhraaty hain...
ik sarhadd gujraat ki galiyoon ki laashien hain...
thori dafan hoi hain..
baaqi 2 taangoo pe chalti hain
laakhoon sarhadien be-awaaz goonjoon ki hain...
jin ke hont to hilty hain...
alfaaz nahi hoty...
sarhad aor kisy kehty hain...
khoon bohat bola karta hai...
khoon ki boli tery mery...
khair sagaali lafzoon se zor awar hai...
itni sar-kash, itni baaghi...
jesy beech bhanwar ka paani...
khaali lafzoon ki meraas to sirf hawa hai...
khaali lafzoon ka choga na do...
warna ye bhi urr jaien sookhy patty ban ker...
waqt ki gehri gard main doob jaien gay....
jis ke aagy sirf khalaa hai..sirf fana hai...............!


ABDUL NASIR NAYYAB KTK
[email]NAYYAB_KTK23@YAHOO.COM[/email]
03339332701
03459096944
Categories
Uncategorized

Comments

Log in