All Pakistani Dramas Lists
Latest Episodes of Dramas - Latest Politics Shows - Latest Politics Discussions

View RSS Feed

nayyabktk

Woh to sab dard k lamhay thay

Rate this Entry
      
   
[SIZE="4"][COLOR="#8b0000"][B]WOH TO SAB DARD K LAMHAY THAY


Wo to ik khwab e perayshaan tha jo main ne dekha
wo to sab dard k lamhay thay
jo mjh per guzray


meray weeraan mah o saal
meray shaam o sahar
meri majrooh mohabbat. meri darmaan talabi
sir e dehleez e raqeebaan
meri daryozagari


aankh main ask nidamat k
to chehray pe fishar e dil o jaan
mera maazi bhi andhera
mera farda bhi dhuwaan


main kahan dhoondta
khoi huwi basti k nishaan
tu yahan tha na wahan
main yahan tha na wahan
wo to sab dard k lamhay thay
jo mjh per guzray


phir ye kyun hai
k mera jism mera khoon
na huwa khakistar


kon is dard k dozakh main
mah o saal talak jal k bhi
istadah raha


zindo rehnay pe musir
aur nai zeest ka dildadah raha

nai sajh dhaj se basr karnay pe aamadah raha
bas isi dard k dozakh ka raha hoon endhan
ab jo ubhra hon to is aag se kundan ho kar
main is husn ko paya hai bohat kuch kho kar
apnay bikhray huway pindaar
kar rezah rezah


chun raha hoo shab sehra se sitaroon ki tarha
apnay malboos e dareedah k pareyshaan tukday
jumbish e sozan e umeed ki khyati se
si raha hon k mera jism barehna na rahay
meray daireena hareefon k laboon per koi ta'ana na rahay
mujh pe qarz e gham e jaan o gham e dunya rahay
wo to sub dard k lamhay thay
jo mjh per guzray


aur ab main nai mosam main
kisi shu'laa e bebak kisi percham e purraan ki tarha
kurrah e khaak main lehranay laga hon phir se
aaye meray lamha e aaindah meray shouq k farda
teri manzail ki taraf aanay laga hoon phr se
apnay khashak ko
angaar se chamkanay laga hoon phr se


ABDUL NASIR NAYYAB KTK
[email]NAYYAB_KTK23@YAHOO.COM[/email]
03339332701
03459096944
[/B][/COLOR][/SIZE]
Categories
Uncategorized

Comments

Log in