Sai-e-Lahasil

Akhri chand din December Key
Har baras hi garaa'n guzartay hain
Khawaishoo'n key nigaar-khanay main
Kaise kaise gumaa'n guzartay hain

Raftgaa'n key bikhrtay saloo'n ki
Aik mehfil si dil main sajhti hai
Phone ki diary key safhoo'n sey
Kitney number pukartay hain mujhe
Jin sey marboot be-nawa ghanti
Ab faqt mere dil main bajhti hai

Kis qadar pyaray pyaray namoo'n per
Reenghti bad'numa lakeerei'n si
Meri aankhoo'n mein phail jati hain
Dooria'n daireey banati hain
Dheeyan ki seerhio'n mein kiya kiya aks
Mashhlei'n dard ki jalatay hain
Aise kaghiz pey phail jatay hain
Hadsay key muqaam per jaise
Khoon key sookhay nishanoo'n per
Chaak ki linei'n lagatay hain

Har December key Akhri din mein
Har baras ki tareh ab bhi
Diary aik sawaal kerti hai
Kiya khabr is baras key akhir tak
Mere in be-charagh safhoo'n sey
Kitney hi naam cut gaye hoon gey
Kitney number bikhar key rastoo'n main
Gard-e-Mazii sey att' gaye hoon gey
Khaak ki dhairyoo'n key daman mein
Kitne tofaa'n simtt gaye hoon gey

Har December main sochta hoon mein
Aik din is tareh bhi hona hai
Rang ko roshni mein khoona hai
Apney apney gharoo'n mein rakhi hui
Diary, Dost daikhtay hoon gey
Unki aankhoo'n key khaak-danoo'n mein
Aik sehra sa phailta ho ga
Air kuch be-nishaa'n safhoo'n sey

Naam mera bhi
Cut giya ho ga !!