All Pakistani Dramas Lists
Latest Episodes of Dramas - Latest Politics Shows - Latest Politics Discussions

View RSS Feed

Sai-e-Lahasil

**Mausam**

Rate this Entry
      
   
Assalam o Alakium

Bachpan main se mausamon ki wo deewani thi..Khazaan ho ya bahar' germa ki chilchalati dhoop ho ya serma ki bheegi dilkash shaamei'n--usay her sha'e se yaksaan mohabbat thi. Ager bahar main har tarf lehl'hata sabza aur rang brangay phool us key labon per dilkash muskhrahat bekhai'r daitay thay to khazan rut main darakhton k hujr main noha-kna'n zard patay us se apna dukh kaha kertay thay...Germa ki laho ughlati dhoop main wo darakhton k paton main chupay prindon aur purjha'ie pholoon ka sath diya kerti thi to Serma ki bheegti shaamo'n main balconi main khari..apnay apnay gharon ko lot'tay Tairon ko widah kiya kerti thi.

Inhi choti choti mohabton k saiyon main perwan cherhti wo nanhi bachi bachi dunya k makr-o-fraib se na'ashna thi..Likin be-khabri ka ye doar pani per banay bulbulay ki surat sabit hua....Aghah'i ka wo pehla lamha..Jab us ne khoob k rishton ko apnay pyaron ko dastay daikha..wo heeran' pareshan sehmi sehmi phirti k rishton main mala'wat kab aur kiun'kar hui? Is Doar-e-aghahi main us k nanhay zehan per thapkian dainay wala koi nahi tha jo usay is alam-e-ghaflat main mazeed kuch pal aur jee lainay daita, koi nahi tha jo us'k ansoo ponch laita...sawa'ie us baghechay se munslik aik aik cheez jisay wo aj tak apni masoom mohabbat se perwan cherhati aai thi..wahan mojod uska aik aik dost, jo kal tak apnay ghum us pholon ki si masoom bachi se banta kertay thay..aj usk ansoo sm'aitnay wo sab usk shana-e-bashan aan kharay hue. Zamany ki is be-hisi per Khush-rang phool usk sath kumla ga'e to dosri tarf prinday fert-e-hairat aur dukh se gana bhool ga'e..Uski ankh se aghahi ka pehla qatra tapka to uski bachpan ki pal pal si sakhi "Berkha" ,[jis k sath uski bersti bondon main wo befikri se atgkalian kerti phirti thi],usay ghum ki shidat se pehli bar usay galay laga ker ghum ki shidat se phoot phoot ker roi k us k anso'n se her tarf jal thal ho gai.

Bachpn aur befikri ka wo lamha akhri pal sabir hua..aur youn waqt k be'rehn thpairon ney usay alam-e-shanasai' main la phanka..waqt thora agay sirka..bachpan ki dehlez tham ker wo lerkpan aur phir jawani ki dehleez per aan khari hui..wo choti choti baton per be-qabo hansi' wo lamhe lamhe se khushian kasheed kerna..qisa-e-pareena sabit hua.

waqt ka kaam to badlna aur chaltay rehna hai..wo wo badla aur badla hi raha..haan ye k her koi apnay mehver se hat'ta giya sawa'e is waqt k !!

Haan agr kuch waisa hi raha to wo shaam k lambay hotay sayion ki seroshian ' baghecha'y hain "Us" pholon ki si nazuk pari ki mohabton ka munh bolta sabot Phoolon ki shakl main us'k hamraz..aur us se milnay anay wale rang brangay Tai'r..aur sab se berh ker uski bachpan se ham-joli "berkha"...wo sawan ki pehli barish jab pehle bar wo usk gale lag ker roi'..wo atoot-ang rishta aj pehle se b ziyada mazboot hai..Barish se uski dosti boht ajeeb na samj mai anay wali hai..wo jab roti hai to to barish jane kis jazbe se chu'r..uski aankh se bahay har aik moti k badlay kai 100 ansoo bana ker b sai'r nahi hoti.. Bachpan ki ye sakhi..her doar main us k pehlo main khari milti hai..chahe jaisa waqt kiun na ho. Wo doar-e-bachpan se doar-e-jawani main inhi mohabton k saharay chali aa rehi hai apni aik alag dunya basa'e jis main sirf mohabton ka raaj hai..zamany ki shatir nighaon se apnay in masom rishton ko bachati..likin mutma'in..kiun k usay uski mohabton ne ye yaqeen baksha hai hai wo chahi'e koi sa b safar ho, us main tanha nahi..Kai be-riya mohabton ka hisar her pal us'k sath hai. !!

Wa'Salam
Khush Rehi'e


June 08, 2008
10:10p.m

Comments

Log in