All Pakistani Dramas Lists
Latest Episodes of Dramas - Latest Politics Shows - Latest Politics Discussions

View RSS Feed

Sai-e-Lahasil

~~* Beetay Lamhe *~~

Rate this Entry
      
   
Beete Lamhe humari zeest ka sermaya hote hain..jinhain alag kerna na'mumkin si baat hai...Jis tareh Maan ka wajood no'moload bache k liye zindagi ki naveed hota hai aise hi ye beete lamhe insaani zindagi k agay berhte rehne ki naveed..

Kisi ne zindagi k bare main kia khoob kaha hai k aik sup sheer'in aik sup talk'h


beet jane wale khushgwar pal her kisi ki zindagi ka khushgwar asasa hote hain.... her koi zindagi ki sakhtion se nabrd-azmaa hote hue pal berh ko aankh chura ker un chand khoobsurat lamhon se asod'gi hasil kerna chahta hai
ye lamhe ager haseen yaad ki surat houn to mehrbaan ka kirdaar ada kerte hain..kehin jalte balte rega'stan main arsa-draz se abla-paa chlalte kisi tanha musafir k dil per kisi mehrban maseeha ki tareh ye batain hath rakh daiti hai...to kehin kisi jaan-balb piyase ka halq ter kerne ka sabab banti hain

yehi beete lamhe ager talkh yaad k roop main hun to zindagi aik imtihan bana daite hain
unhain pal pal bert'ta dil barh'a ye khawish kerta hai k aee kash ! hum in guzre lamhat se chutkara paa ker sirf aaj main jeete...guzre lamhon ka koi naqsh aankh ki putlion per sabt na hota..kash demagh main koi aisa filter hota jo achi yadoon ko rakh laita aur na-mehrban sa'ton ko mita daita...Likin aisa mumkin nahi..yadain jab kas'k ki surat ikhtiar ker laiti hain ti her her lamha sanson per qayamat guzrti hai.

yehi beete lamhe kehin zindagi guzarne ka hosla bante hain to kehin kisi chab'uk ki tareh rooh per k'oore bersate zindagi moat se bad'ter ker daite hain

Likin yadain kaisi b houn, talkh ya sheer'in..jeena to perta hai jab tab sanso'n ki dor bandhi hai.
beete lamhon aur humari sanso'n ki dor ka aisa hi choli daman ka saath hai Jaise Maan ka Bache se ' Chand ka Chandni se...donon aik dosre se alag nahi reh sakte..aik dosre k beghair kuch nahi
yehi guzri yadain humari umer berh ka hasil hoti hain...in k beghair hum kuch b nahi..chahe ye kisi roop main kiun na hun.

02/18/2008

Comments

Log in