Saba

Meray Nana jaan ki aik ghazal

کرم نہیں 'نہ سہی' بے رخی سے کام نہ لو
قصورِ عرضِ تمناّ کا انتقام نہ لو

ملو جو دل سے تو پھر مزا ہے ملنے کا
بڑآ کرم ہو اگر مصلحت سے کام نہ لو

مرے خلوص میں بھی ہے تمھیں تلاشِ فریب
مری وفاؤں کا یوں مجھ سے انتقام نہ لو

جو ملتے خضر تو میں یہ ضرور سمجھاتا
کہ زیست مانگ کے تم کُلفتِ دوام نہ لو

مجھے ڈر ہے مرا حوصلہ نہ بڑھ جاۓ
خفا ہو مجھ سے تو ہنس کر سلام نہ لو

جنوں کی بات بھی سُن لو ذرا خرد والو
یہ راہِ عشق ہے اپنی سمجھ سے کام نہ لو

ہمیں مآل جفا کی خبر ہے اے نیّر
ہمارے سامنے رسمِ وفا کا نام نہ لو