Shikwa-e-zaat k manjdhaar se nikly kab hein, ,,,,,,,,,,,,,,,,,,,,

[Musafir]

Salam-o-adaab

Sukhan shanas ahbaab ki khidmat mein chupky se ik ghazal paish hay.

musafir


Shikwa-e-zaat k manjdhaar se nikly kab hein
Ham, mery yaar, dil-e-zaar se nikly kab hein

Harf ehsaas ki tasveer kashi karny lagy
Harf tajseem ki purkaar se nikly kab hein

Teri mehfil mein wo yaksoo tujhy takny waly
Kon, kab, kesy ki takraar se nikly kab hein

Rooh dar rooh jo wahdat hay koi kiya jaany
Log ajsaad k sansaar se nikly kab hein

Dil zadda, tanhaa, khataakar, qateel-e-furqat
Tery aasaar sazaawaar se nikly kab hein

Husn aur ishq mein me'ayaar wafaa ko rakha
Ham wafaa kesh hein me'ayaar se nikly kab hein

Waqt ka chaak banataa hay bhalaa kiya soorat
Dhal rahy hein, abhi aazaar se nikly kab hein

Aaina toot giya, shakl na tooti us ki
Moajzy khawab k asraar se nikly kab hein

Phir rahy be saro samaan sadaaein dety
Gham tery koocha-o-bazaar se nikly kab hein

Baandh rakhta hay kharaabon ko fasoon yaadon ka
Chun diya hay jinhein, devaar se nikly kab hein

Jab bura waqt chala, bojh giraaty he bani
Warna ye sar hein jo dastaar se nikly kab hein

Waqt likhy ga kahaani mery kirdaaron par
Lafz is zehni adaakaar se nikly kab hein

Deep bhujh jaey magar saath kharay hon saary
Yaar wo halqa-e-aghiyaar se nikly kab hein

Kooey afkaar "anal haq" ki sada baaqi hay
Ham musafir sahi par daar se nikly kab hein

(musafir)

[Shab-e-Firaaq]

Wah Buhat hi Umdaah Kamal Likha

Welcome Back

Share Kartey Raha Kijye ..

Khush Rahiye ..

[Musafir]

Salam-o-adaab, mohtram-ul-muqaam janab Shab-e-firaq

Intehaai nawazish k ap ne tehreer ko parha aur apni qeemti raey se nawaza, bohat arsa baad ik dost se mobile pe bat hui to us ne friendskorner ka tazkra kiya to socha, ,,,,,,,,,,, taqreeb kuch to behr-e-mulaqat ka mamla kiya jaaey, ,,,,,,,,,,,, lehaza ye ghazal share karny ki jasarat kar li.

Salamat rahein, khush rahein, kamyab rahein, shad-o-abaad rahein

musafir

[Savi Abbas]

be had haseen aur alla kalam...dhair sari daad qabool farmaiyeh,,,,keep coming and keep sharinggggggggg
thanks and blessingssssssss

[Musafir]

be had haseen aur alla kalam...dhair sari daad qabool farmaiyeh,,,,keep coming and keep sharinggggggggg
thanks and blessingssssssss

Salam-o-adaab,

Intehaai mashkoor hu k ap ne meri tehreer ko paband-e-basaarat karny ki zehmat farmaai, ,,,,,,,,,,,,,,, ap k alfaaz mery liye qeemti aur hosla rasaa hein.

Salamat rahien, khush rahein, kamyab rahein, shaad-o-abaad rahein, baa muraad rahein

musafir

[*resham*]

v. beautiful n touchy poetry ..
keep it up ...

[Musafir]

v. beautiful n touchy poetry ..
keep it up ...

Salam-o-adaab. ............... Laaiq-e-sad ehtram, Mohtarma Resham

Ehsaas shiddat-e-sapaas guzaari se harfon ki chokhat pe sajda rez hay aur mushtaaq-e-izhaar-e-tashakur hay ap k haroof-e-pazeerai pe. Ap k haroof-e-tehseen mery liye hosla afza aur tarh-e-sukhan k liye jaanfizaa hein.

Salamat rahein, khush rahein, kamyab rahein, shaad-o-abaad rahein, baa muraad rahein.

musafir

[farrukhjii]

Jab bura waqt chala, bojh giraaty he bani
Warna ye sar hein jo dastaar se nikly kab hein

janab, der say hazri per maufi ka khwastgaar hoon..
go keh aapkay kallam nigah nawaz hua tha lakin toseef o tareef kernay online na aaska.
khub-surat lub o lehjay main kasheedy huii yeh mutasir-kun ghazal yaqeeni tor per aapki kamal e fun ki aaynah daar theri.
aabad o kamran rahyea..ameen

[Musafir]

Jab bura waqt chala, bojh giraaty he bani
Warna ye sar hein jo dastaar se nikly kab hein

janab, der say hazri per maufi ka khwastgaar hoon..
go keh aapkay kallam nigah nawaz hua tha lakin toseef o tareef kernay online na aaska.


khub-surat lub o lehjay main kasheedy huii yeh mutasir-kun ghazal yaqeeni tor per aapki kamal e fun ki aaynah daar theri.
aabad o kamran rahyea..ameen

Salam-o-adaab, ,,,,,,,, Mohtram janab Farrukh ji

Intehaai mamnoon hu k ap ne meri tehreer ko nazar nawaz farmaya, ,,,,,,,,,, ap ne jis diqqat-e-nazar aur shukhan dosti ka muzahira farmaya dil ki ataah gehraaion se sapaaaz guzaari k jazbaat alfaaz ki soorat mein dhal kar ehsaaz-e-qabooliyat mein gulrang huey jaaty hein. Ap k alfaaz hamesha mery liye baais-e-tashweeq-o-taskeen hoty hein.

Salamat rahein,,,,,,,,,,,,, khush rahein, ,,,,,,,,, hansty muskraty rahein, ,,,,,,,,,,,,

musafir

[Saba]

Mashallah Umda takhleeq ha.
daad qabool kijeye.
duain

[Musafir]

Mashallah Umda takhleeq ha.
daad qabool kijeye.
duain

Salam-o-adaab

Intehaai mashkoor hoon k ap ne tehreer ko pasand farmaya aur apni qeemti raaey se nawaza.

Salamat rahein, khush rahein, kamyab rahein, shad-o-abaad rahein.

musafir

- - Updated - -

Mashallah Umda takhleeq ha.
daad qabool kijeye.
duain

Salam-o-adaab

Intehaai mashkoor hoon k ap ne tehreer ko pasand farmaya aur apni qeemti raaey se nawaza.

Salamat rahein, khush rahein, kamyab rahein, shad-o-abaad rahein.

musafir